Մանչեսթեր Յունայթեդը Պերիշիչի համար 52 մլն եվրո է առաջարկում
12:24 , 2 հունիս, 2017Armsport.am-ը գրում է.
«Ինտերն» ու «Մանչեսթեր Յունայթեդը» մոտ են կիսապաշտպան Իվան Պերիշիչի տրանսֆերի շուրջ համաձայնության գալուն:
Միլանցիները մերժել էին ՄՅՈւ-ի նախնական՝ 45 մլն եվրո արժողությամբ առաջարկը: Անգլիացիներն այն հասցրել են 52 մլն-ի, հայտնում է «Football Italia»-ն:
28-ամյա խորվաթ կիսապաշտպանն արդեն համաձայնեցրել է պայմանագրի պայմանները «Մանչեսթեր Յունայթեդի» հետ, որտեղ տարեկան 7 մլն եվրո կստանա:
«Ինտերը» մոտ ժամանակներս պետք է ֆուտբոլիստի վաճառի, որպեսզի պահպանի ֆինանսական ֆեյր-փլեյի կանոնները:
Իտալիայի ավարտված առաջնության 36 խաղում Պերիշիչը 11 գոլի և 10 գոլային փոխանցման հեղինակ է դարձել: