Կարեւորը աջակցության պատրանքի ստեղծումն է... Ժողովուրդ, նայե՛ք, ողջ Սփյուռքը Րաֆֆու հետ է

Երևանի նախկին փոխոստիկանապետ

Թերթերում, համացանցի կայքերում հաճախ ենք հանդիպում զանազան տեղեկությունների՝ աջակցություն Լոս Անջելեսից, աջակցություն Նյու Յորքից, Փարիզից, Հելսինկիից, այստեղից, այնտեղից... Ցույցեր դեսպանատների առաջ...
Կարեւոր չէ, որ այդ աջակիցները չորս-հինգ կամ մեկ-մեկ «բազմամարդ»՝ տասը-տասներկու հոգի են, կարեւորը աջակցության պատրանքի ստեղծումն է... Ժողովուրդ, նայե՛ք, տեսե՛ք ողջ Սփյուռքը մեզ հետ է, Րաֆֆու հետ է...
Դե ոչինչ, որ ասենք ամբողջ Ֆինլանդիայում մի տասը-քսան հայ հազիվ թե լինի, անտեղյակ, միամիտ ՀՀ քաղաքացին, հատկապես մարզերից, կարդալով տպավորություն է ստանում, որ ողջ Սփյուռքը ոտքի է կանգնել, «դոշ է տալիս» եւ պաշտպանում ժառանգական «Բարեւ՝ կարմիր արեւներին»...
Հզոր զենք է մամուլը, լրատվամիջոցները, իսկ քաղաքական գործիչների երեւակայությունը, ստեղծագործական եռանդը իրոք սահմաններ չեն ճանաչում, տաղանդավոր են՝ շատ, ահավոր տաղանդավոր...