ՎԶԵԲ-ը բարելավել է ՀՀ տնտեսական աճի կանխատեսումը մինչև 2.5%

Ըստ կանխատեսումների, 2017-ին ՀՀ տնտեսական աճը կկազմի 2.5%, իսկ 2018-ին՝ 3%:

ՎԶԵԲ-ը գործում է աշխարհի 36 երկրում:

ՀՀ ՀՆԱ աճը 2016-ին դանդաղել էր՝ նվազելով մինչև 0.2% 2015-ի 3%-ի համեմատ, ինչը պայմանավորված էր ակտիվության նվազմամբ շինարարության ոլորտում և գյուղատնտեսությունում, ասվում է բանկի զեկույցում:

«2017-ին ակնկալվում է զգալի ֆինանսական կոնսոլիդացիա՝ կրճատելու համար պետական պարտքը ՀՆԱ հանդեպ, որը հասել է ՀՆԱ 57%-ի»,-ասվում է զեկույցում:

Զեկույցում ասվում է նաև, որ 2017-ի առաջին եռամսյակում ՀՀ տնտեսական ցուցանիշները աճի միտումներ են գրանցել արդյունաբերության, արտաքին առևտրի, ծառայությունների ոլորտներում, մինչդեռ ցուցանիշները ցածր են մնացել շինարարության և գյուղոլորտում:
Ամբողջական հոդվածը կարող եք կարդալ այստեղ։