Ներդրումային «բուկետ»՝ 167 աշխատատեղով
11:22 , 5 մայիս, 2017
Պետությունը փորձում է առավելագույնս աջակցել ներդրում կատարող ընկերություններին և որոշ ծրագրերի, որոնք իրենց մեջ ներառում են նոր սարքավորումների ներմուծումներ՝ տալիս է հարկային արտոնություն:
Գործադիր մարմնի հերթական նիստի ընթացքում արտոնություն է ստացել Հայաստանում և Արցախում շինարարական աշխատանքներ իրականացնող ընկերությունը:
Արտոնության շրջանակներում ընկերության կողմից ապրանքների ներմուծման դեպքում մաքսային և հարկային մարմինների կողմից հաշվարկված ավելացված արժեքի հարկի գումարների վճարման ժամկետը երեք տարի ժամկետով հետաձգվում է:
Ընկերությունն էլ իր հերթին նախատեսվում է սարքավորումների ներմուծում և տեխնիկայի վերազինում, որի շրջանակներում կատարվելու է 1 մլրդ դրամի ներդրումներ և 167 աշխատատեղի ստեղծում: