Հայաստանի ներկայացուցչի պատասխանը՝ գեղեցկության մրցույթին Արցախի մասնակցի մասին արված ֆեյսբուքյան գրառմանը
19:07 , 4 մայիս, 2017
Երկար չեմ ուզում անդրադառնալ այս թեմային, բայց մի երկու բան պիտի ասեմ. խոսքն այսօր Ֆեյսբուքում տարածված մի գրառման մասին է, որի հեղինակը Costa Blaca FW միջազգային մրցույթը անվանել է համասեռամոլների մրցույթ: Հարգելի հեղինակ, իսկ ո՞վ է ասել, որ եթե տղամարդը կիսամերկ է նկարվել, ապա նա համասեռամոլ է, կամ ի՞նչ է թվում Ձեզ, Արցախում չե՞ն կարող լինել խնամված ու գեղեցիկ տղամարդիկ և եթե կան, ապա նրանք հաստատ համասեռամո՞լ են: Գիտե՞ք, այստեղ այնքան էլ էական չէ՝ որտեղից է մոդելը՝ Արցախից, Հայաստանից, թե մի երրորդ երկրից: Այստեղ կարևորն այն է, որ միջազգային հեղինակավոր մրցույթում Արցախն է ներկայացվելու, իսկ դուք փորձում եք ստվե՞ր գցել այդ մրցույթի վրա: Սա միջազգային գեղեցկության մրցույթ է, որին մասնակցում են տարբեր երկրներից տասնյակ ներկայացուցիչներ: Այս տարի առաջին անգամ այդ մրցույթում նաև Արցախն է ներկայացվելու՝ ի դեմս Շուշան Երիցյանի և Հարություն Գրիգորյանի: Դրա մեջ վատ բան կա՞: Ձեզ հետաքրքրում էր, թե ով է այս մրցույթի կազմակերպիչը, ես էլ պատասխանում եմ, որ Հայաստանի ներկայացուցիչը ես եմ: Ու ի՞նչ: Քննադատելու փոխարեն լավ կլիներ՝ սատարեիք մեր մասնակիցներին ու ոչ թե ընկճեիք նրանց մրցույթին մեկնելուց առաջ: Առանց այն էլ Ադրբեջանն է ամեն ինչ անում Արցախի մասնակցությունն այդ մրցույթին բացառելու համար:
Ոչ մի վատ բան չկա նրա մեջ, որ տարբեր միջազգային մրցույթներում Արցախի անունը հնչի, այդպես մենք անընդհատ ստիպում ենք հիշել մեր չճանաչված, բայց դրա համար ոչինչ չխնայող Արցախ հայրենիքի մասին: Այս մրցույթին Արցախի մասնակցությունն էլ հենց այդ նպատակն ունի ու Ձեր այն ասածին, որ այս մրցույթում չէ, որ պիտի լուծվի Ղարաբաղի հարցը, ես հակադարձում եմ: Նաև այս մրցույթի… ինչքան շատ մենք Արցախի անունը շոշափենք միջազգային հարթակներում, այնքան ավելի շատ կհանրայնացնենք Արցախի խնդիրը: Դուք էլ սրան-նրան քննադատելու փոխարեն լավ կանեիք մի լավ, ճանաչողական նյութ պատրաստեիք Արցախի մասին ու նույն տեմպերով տարածեիք համացանցում: Այդպես գոնե գործին մի բանով օգնած կլինեիք:
