Մի Բերզովսկին ի՞նչ է, որ «ափսոսան», նրանք իրենք շանորդի Բեն Լադենին տվին, Քադաֆիին տվին, Սադամին տվին

Երեք օր է, ինչ ասելիք ունեմ Բորիս Աբրամովիչի մասին ու ոչ մի կերպ չեմ հասցնում գրոտել:
Ինքն ինձ հետաքրքիր էր: էն էլ ինչքա՛ն: Ափսոս: Հազար ափսոս: Քաղաքականությունը նաեւ հետաքրքիր է իրենցով: Ի՛նչ խաղացող էր:
Հրեա արգանդը, ճիշտ է, նման զավակներ շատ ունի, բայց իր իմպուլսիվությունը քչերն ունեն:
Առաջին անգամ Աստանան մայրաքաղաք դարձնելու ժամանակ տեսա իրեն. բացմանը եկել էր, որպես ԱՊՀ գործադիր քարտուղար. «խուլիգանի» նման նստել բեմում շարված ասիական չինվոնիկ-խաների կողքին, շարքի եզրին, զահլեն գնաց, արագ ելավ-գնաց:
Որտեղ ասես` չկար: Վրաստանի «վարդերում»՝ որպես Պլատոն Ելենեին:
Դրանից առաջ Մայդանում. ինքն էր սարքել Կուչմայի գլխին` Գոնգաձեի «վերացնելու» ձայնագրությունն իր մոտ էր, տվել էր Լիտվինենկոյին:
Սա էն Լիտվինենկոն է, որը ասել էր, որ մեր քսանյոթի մեջ ռուսական հատուկ ծառայություններ են խառնված:
Ինքը` Բորիս Աբրամովիչը, «Հայստանում» էր նաեւ 2000-ին (էս մասին` վաղվա «Հրապարակում» կարդացեք), հետո....
Ուրիշ բան եմ ուզում ասել. նրա տեխնոլոգիաները կիրառելի են եղել մնացածների համար եւս: Ասենք, նա մեղադրվում էր Լիստեւի սպանության մեջ: Գովազդային հոսքերի «պատճառով», իսկ իրականում ոչ ոք նրանից լավ չգիտեր` ինչ ասել է մեդիա-կոնտրոլ, էս հիմա է Ֆեյսբուքը դառել գործիք:
Մեզ մոտ նույնպես նույնական սցենար աշխատեց. Տիգրան Նաղդալյանն սպանվեց իրենց տան մուտքում, կրակոցից, ինչպես Լիստեւը:
Հետո, հիշում եք Ռիբկինի պատմությունը. նա մի քանի օր կորել էր, գնացել էր Մայդանների երկիր, մի խոսքով, ԿԳԲ-ն չէր թողել, որ նրան «սպանեն»: Եթե Ռիբկինը մեռներ, ռուսական ընտրությունները փոզբիշ էին լինելու: Մերի նման էլի:
Բա: Պուտինը երկրորդ անգամ չէր ընտրվելու:
Շատերը գտնում են, որ Բերեզովսկուն սպանել են: 
ՄԻ-6-ի քթի տա՞կ:
Ինչու` ոչ:
Լիտվինենկոյին էլ նույն քթի տակ ոչ եւս արին:
Հետո էլ` իր հերթին Արեւմուտքի քթի տակ է Սիրիայի, տարածաշրջանի հարցը, այնտեղ այնպիսի հետաքրքիր շարժեր են տեղի ունենում: Իսկ Օբաման, ընդհանրապես, Բերեզովսկու հայրենի երկրում էր, երբ մահացավ, կամ մահացվեց Բորիսը... Ելցինների ընտանիքի երբեմնի մեծ բարեկամը: Պուտինին ծնած Բուլբան:
Պե՛տք են Ռուսաստանն ու Պուտին Վլադիմիրը Արևմուտքին այս պահին:
Մի Բերզովսկին ի՞նչ է, որ «ափսոսան», նրանք իրենք շանորդի-Սամոսա Բեն Լադենին տվին, Քադաֆիին տվին, Սադամին տվին...
Ուստի իսկի էլ մի բացառեք, որ հարգարժան Բրիտանիան ու յուր Մի-6 -ն այդպես էլ չգտնեն, որ Բերեզովսկում պոլոնիումո՞վ, թե՞ շաֆով են ... օգնել:
Շաֆերդ պինդ պահեք, հա-յե՛ր: