Ցրտահարության հետևանքով Տավուշի մարզի Դեղձավանում և Պտղավանում վնասվել են դեղձի և արքայանարինջի ծառերը, նաև՝ կարտոֆիլը

Aysor.am-ը գրում է.

Երկու օր առաջ Հայաստանում գիշերը գրանցվեց ցրտահարություն: Տավուշի մարզի Դեղձավան համայնքի ղեկավար Յուրիկ Հովհաննիսյանից Aysor.am-ը հետաքրքրվել է, թե ի՞նչ չափի է եղել վնասը:

«Մանրամասները դեռ չեմ կարող ասել, դեռ պետք է պարզել, սակայն մասնակի վնասվել են դեղձի, «կոռոլյոկի» (արքայանարինջ - հեղ.) ծառերը և կարտոֆիլը: Հեկտարով չեմ կարող ասել, բայց 10-15%-ի չափով է վնասը եղել», - նշեց համայքնի ղեկավարը:

Եղանակը մարզում արդեն պարզ է ու ցրտահարության դեպք այլևս չի գրանցվել:

Տավուշի մարզի Պտղավան համայնքի ղեկավար Արայիկ Պարանյանն էլ ասաց, որ մարզում ցրտահարությունը բանջարանա-բոստանային կուլտուրայից է կախված: Կուլտուրա կա, որ արդեն ցոգոլա ունեցել, կուլտուրա կա, որ ծաղիկի մեջ է եղել: Ծաղիկի մեջ եղած բույսերը սևացել են ցրտահարվելուց: Կան կուլտուրաներ, որ մի քանի օր պետք է անցնի, որպեսզի այդ ցոգոլները թափվեն,և դրանից պարզ կդառնա վնասի չափը», - նշեց Պտղավան համայնքի ղեկավար:

Ամբողջական հոդվածը կարող եք կարդալ այստեղ