Պուտինը և Մերկելը հանդիպելու են. Կրեմլը հայտնել է քննարկման թեման

 ՌԴ նախագահ Վլադիմիր Պուտինը և Գերմանիայի կանցլեր Անգելա Մերկելը մայիսի 3-ին կհանդիպեն Սոչիում: Ինչպես հաղորդում է RIA Novosti-ն՝ վկայակոչելով Կրեմլի մամուլի ծառայությունը, առաջնորդները կքննարկեն երկկողմանի հարաբերությունների ընթացիկ վիճակն ու հեռանկարները:

 Տեղեկատվության համաձայն՝ Պուտինն ու Մերկելը կանդրադառնան խնդրահարույց թեմաներին, ինչպիսիք են սիրիական և ուկրաինական հակամարտությունները: Կողմերը մտքեր կփոխանակեն նաև հուլիսին Համբուրգում նախատեսված G20 գագաթնաժողովի վերաբերյալ:

 Նշենք, որ Մերկելը վերջին անգամ Ռուսաստան է այցելել 2015թ.: