Էլեկտրաէներգիայի արտադրության քրոնիկոն. 9% աճ՝ 2017-ին
16:29 , 27 ապրիլ, 2017
ԱՎԾ-ի հրապարակած տվյալների համաձայն՝ հունվար-մարտ ամիսներին մեր Հայաստանում արտադրվել է 2 մլրդ 101.8 մլն կՎտ ժամ էլեկտրաէներգիա: 2016 թվականի նույն ժամանակահատվածի համեմատ ցուցանիշն աճել է 9%-ով: Ըստ ներկայացված վիճակագրության՝ միայն հունվարին արտադրվել է 775.6 մլն կՎտ ժամ էլեկտրաէներգիա, փետրվարին՝ 675.3 մլն կՎտ ժամ էլեկտրաէներգիա, իսկ մարտին՝ 650.9 մլն կՎտ ժամ էլեկտրաէներգիա:
Նշենք նաև, որ 2016 թվականին Հայաստանում արտադրվել էր 7 մլրդ 315.2 մլն կՎտ ժամ էլեկտրաէներգիա: 2015 թվականին ցուցանիշը կազմել էր 7 մլրդ 798.2 մլն կՎտ ժամ էլեկտրաէներգիա, իսկ 2014 թվականին՝ 7 մլրդ 750.0 մլն կՎտ ժամ էլեկտրաէներգիա: