Արտգործնախարարները վաղվա հանդիպմանը քննարկելու միայն մեկ հարց ունեն. Սերգեյ Մինասյան

Panorama.am-ը գրում է.

Վաղը Մոսկվայում կանալիք Նալբանդյան-Լավրով-Մամեդյարով եռակողմ հանդիպման առանցքը կարող է լինել շփման գծում վստահության մեխանիզմների շուրջ պայմանավորվածության ձեռքբերումը։  Panorama.am-ի թղթակցի հետ զրույցում նման տեսակետ հայտնեց Կովկասի ինստիտուտի փոխտնօրեն, քաղաքագետ Սերգեյ Մինասյանը։

«Սա մի հարց է, որին Ադրբեջանը համաձայնություն էր տվել Վիեննայի և Սանկտ Պետերբուրգի հանդիպումներից հետո։ Հարց, որի շուրջ համընկնում են Հայաստանի, Ռուսաստանի և միջազգային հանրության դիրքորոշումները։ Կարծում եմ, որ եթե վստահության մեխանիզմների ներդրման առումով որևէ ձեռքբերում չլինի, ապա բուն բանակցային գործընթացում որևէ առաջընթաց չի լինելու։ Ավելին՝ հակամարտ կողմերի բանակցություններն իմաստ չունեն, քանի դեռ Ադրբեջանն այս հարցի շուրջ համաձայնություն չի հայտնել»,- ընդգծեց քաղաքագետը։

Սերգեյ Մինասյանը նկատեց՝ ապրիլյան պատերազմից հետո Ռուսաստանը հսկայական ջանքեր է գործադրում՝ հակամարտության շփման գծում վստահության մեխանիզմների ներդրաման ուղղությամբ։

Ամբողջական հոդվածը կարող եք կարդալ այստեղ