Թրամփը չի կատարի նախընտրական խոստումը

Yerkir.am-ը գրում է.

ԱՄՆ-ը դեռ դուրս չի գա Մեքսիկայի և Կանադայի հետ ազատ առևտրի մասին հյուսիսամերիկյան համաձայնագրից: Այդ մասին հայտարարել է երկրի նախագահ Դոնալդ Թրամփը: Պայմանագրի խզումը նրա նախընտրական խոստումներից մեկն էր. հայտնում է BBC-ի ռուսական ծառայությունը:

Ազատ առևտրի մասին հյուսիսամերիկյան համաձայնագիրն ուժի մեջ է մտել 1994 թվականին: Այժմ Վաշինգտոնը ցանկանում է վերանայել փաստաթղթի պայմանները, որը մինչ ընտրությունները Թրամփն անվանել էր աշխատատեղեր «սպանող» և պատմության մեջ «վատթարագույն առևտրային համաձայնագիրը»: