Զիդան. Կարող են ասել, որ Բարսելոնան կդառնա չեմպիոն, իսկ Ռեալը ոչինչ չարժե. այդպես չէ

Armsport.am-ը գրում է.

Մադրիդի «Ռեալի» գլխավոր մարզիչ Զինեդին Զիդանն Էլ Կլասիկոյում պարտությունից հետո մոտիվացիոն զրույց է ունեցել թիմի ֆուտբոլիստների հետ: Դրանից հետո «Marca»-ի հետ զրույցում ֆրանսիացին ուշագրավ մտքեր է հայտնել:

«Յուրաքանչյուրը կարող է ասել այն, ինչ ցանկանում է: Հիմա կարող են ասել, որ «Բարսելոնան» կդառնա Իսպանիայի չեմպիոն, իսկ «Ռեալը» ոչինչ չարժե. ես գիտեմ, որ այդպես չէ:

Շարունակելու ենք առաջ շարժվել: Մեր ճակատագիրը մեր իսկ ձեռքերում է և ոչ ոքից կախված չէ: Գիտեք, ես 25 տարի ֆուտբոլում եմ, իսկ 17 տարի՝ Մադրիդում. գիտեմ, թե պարտություններին ինչպես են վերաբերվում այստեղ, դա չի փոխվում»,- ասել է Զիդանը: