Facebook-ի մարդասպանը վերջ է դրել իր կյանքին ոստիկանական հետապնդման ժամանակ
21:15 , 19 ապրիլ, 2017ԱՄՆ ոստիկանությունը հայտնել է Ստիվ Ստիվենսի ինքնասպանության մասին, ով օրեր առաջ Օհայոյում կրակել էր պատահական հանդիպած տարեց մարդու և հեռարձակել սպանությունը Facebook Live-ով։
Փենսիլվանիա նահանգի ոստիկանությունը հայտնել էր, որ երեքշաբթի Ստիվենսին նկատել է Էրի քաղաքում։
«Կարճատև հետապնդումից հետո Ստիվենսը ինքնասպան է եղել»,- ասվում է ոստիկանության թվիթում։
Կիրակի Քլիվլենդում նա սպանել էր 74-ամյա Ռոբերտ Գոդվինին, ով եկեղեցուց տուն վերադառնալիս է եղել։
