Swarovski-ն բյուրեղապակե լուսանկարչական ապարատ է ստեղծել
04:42 , 18 ապրիլ, 2017168.am-ը գրում է․
Ճապոնիայի Nikon ընկերությունն ի պատիվ իր 100-ամյակի թողարկել է հուշանվերների շարք: Հավաքածուն ստեղծվել է Swarovski ապրանքանիշի հետ համագործակցությամբ, հաղորդում է Luxurylaunches-ին:
Հավաքածուում տեղ են գտել Nikon Model I մոդելի՝ ընկերության առաջին լուսանկարչական ապարատի բյուրեղապակե պատճենները: Յուրաքանչյուր ֆիգուր նշված է սերիական համարով, շարքը կթողարկվի սահմանափակ քանակով: Գներն առայժմ չեն նշվել:
Ավստրիայի Swarovski ընկերությունը հիմնվել է 1895 թվականին: Այն մասնագիտացած է բյուրեղապակուց զարդերի թողարկման եւ սինթետիկ ու բնական քարերի երեսակման բնագավառում: Ամենահայտնի արտադրանքը ստրազներն են, որոնք վաճառվում են «Swarovski-ի բյուրեղապակիներ» առեւտրանիշի ներքո:
Ճապոնիայի Nikon ընկերությունը մասնագիտացած է օպտիկայի եւ պատկերների մշակման Էլեկտրոնային սարքերի արտադրության բնագավառում: Հիմնվել է 1917 թվականին, կենտրոնակայանը գտնվում է Տոկիոյում։