Աշխարհի ամենաառատաձեռն զբոսաշրջիկները Չինաստանի քաղաքացիներն են
21:36 , 14 ապրիլ, 2017
Yerkir.am-ը գրում է.2016 թվականին չինացի զբոսաշրջիկները արտասահմանում գումար ծախսելու առումով առաջատար են: Այս մասին գրում է «Lenta.ru»-ն:
Աղբյուրի համաձայն՝ Չինաստանի քաղաքացիները 2016-ին արտասահմանյան ուղևորությունների ժամանակ ծախսել են 261 միլիարդ դոլար, ինչը 2015թ-ի համեմատ 12 տոկոսով ավելի է:
Երկրորդ տեղում ԱՄՆ-ն է: Ամերիկացի զբոսաշրջիկների ծախերը հասել են 122 մլրդ դոլարի՝ 2015-ի համեմատ աճելով 8%-ով:
Եռյակը եզրափակում է Գերմանիան, որի քաղաքացիները ծախսել են 81 մլրդ դոլար, ինչը 5 տոկոսով ավելի է 2015-ի համեմատ: Չորորդ տեղում հայտնվել է Մեծ Բրիտանիան (64 մլրդ դոլար), հինգերորդում` Ֆրանսիան (41 մլրդ դոլար):