Բեռլուսկոնին «Միլանը» չինացիներին վաճառել է 740 մլն եվրոյով
13:00 , 14 ապրիլ, 2017
Araratnews.am-ը գրում է.
Իտալիայի նախկին վարչապետ Սիլվիո Բեռլուսկոնին չինական ընկերությանն է վաճառել «Միլան» ֆուտբոլային ակումբը. հաղորդում է BBC-ն:
Ինչպես հայտնում է ֆուտբոլային ակումբի մամուլի ծառայությունը, նախկին քաղաքական գործչին պատկանող Fininvest ընկերությունը վաճառել է ակումբի 99,93% բաժնեմասը Sport Investment Lux չին-ամերիկյան կոնսորցիումին:
Գործարքի արժեքը կազմել է 740 մլն եվրո, որից 220 միլիոնը կուղղվի «Միլանի» պարտքերը մարելուն:
Բեռլուսկոնին ֆուտբոլային ակումբը ձեռք էր բերել 1986-ին: