Դինքի սպանության գործով մեղադրյալներից մեկը պահանջել է զղջման իրավունքից օգտվելու հնարավորություն ընձեռել իրեն
17:30 , 10 ապրիլ, 2017
Tert.am-ը գրում է.Ստամբուլի թիվ 14 ծանր հանցագործությունների դատարանում այսօր շարունակվել է պոլսահայ լրագրող, «Ակօս» թերթի հիմնադիր և նախկին խմբագիր Հրանտ Դինքի սպանության գործով դատական նիստը:
Նիստից առաջ «Հրանտ Դինքի ընկերներ» նախաձեռնության անդամները, որոնց թվում է նաև խորհրդարանի հայազգի պատգամավոր Կարո Փայլանը, բողոքի ակցիա են անցկացրել դատարանի շենքի առաջ:
Նիստի ընթացքում իրենց պաշտպանական ճառով են հանդես եկել նախկին բարձրաստիճան պաշտոնյաներ Ջելալեդդին Ջերահը, Էնգին Դինչը, Ռամազան Աքյուրեքը, Ալի Ֆուաթ Յըլմազերը, Ֆարուք Սարըն և Ահմեդ Իլհան Գյուլերը:
Հայտնի է, որ Տրապիզոնի հետախուզական կոմիտեի նախկին ղեկավար Ֆարուք Սարըն դատարանից պահանջել է զղջման իրավունքից օգտվելու հնարավորություն ընձեռել իրեն: Զղջման իրավունքից օգտվող մեղադրյալների հանդեպ, ըստ Թուրքիայի օրենսդրության, կարող են կիրառվել որոշակի մեղմացուցիչ հանգամանքներ:
Ամբողջական հոդվածը կարող եք կարդալ այստեղ։