Լևոն Պաչաջյան. Այսօր 17-րդ ֆուտբոլային մրցաշրջանիս առաջին խաղը կանցկացնեմ
11:35 , 8 ապրիլ, 2017
Armsport.am-ը գրում է.
Հայաստանի Ազգային հավաքականի նախկին ֆուտբոլիստ Լևոն Պաչաջյանը ֆեյսբուքի իր էջում կատարած գրառման միջոցով հայտնել է, որ այսօր առաջին պաշտոնական խաղը կանցկացնի նոր թիմի՝ շվեդական «Լինշոպինգի» կազմում.
«Այսօր 17-րդ ֆուտբոլային մրցաշրջանիս առաջին խաղը կխաղամ:
Կխաղամ այնպես, ինչպես առաջին անգամ էր: Ինչպես 18 տարեկան երիտասարդը, որն առաջին քայլերն էր կատարում մեծ ֆուտբոլում:
Ես էլի 18 եմ ներքուստ: Նույն ոգևորությունը, նույն կիրքն ու ձգտումը...բայց ավելի փորձառու ու բանիմաց»,- գրել է 33-ամյա ֆուտբոլիստը:
Հիշեցնենք՝ «Լինշոպինգը», որը ներկայացնում է Շվեդիայի 2-րդ դիվիզիոնը (3-րդ լիգա), Պաչաջյանի կարիերայի 13-րդ ակումբն է: