Ավելի լավ է քիչ խոսեմ, ստացել եմ այնքան, ինչքան թիվ կա. Վարդան Այվազյանը՝ պարտվելու մասին

- Պարոն Այվազյան, ինչպե՞ս եք գնահատում ընտրությունների արդյունքները:

- Նորմալ, իմ կարծիքը շատ քիչ է, կա թիվ:

- Գումար բաժանե՞լ էիք. տեղեկություններ կային, որ տարբեր կուսակցություններ, այդ թվում ՀՀԿ-ն, գումար են բաժանել:

- Դե գիտեք ինչ կա, ամեն ասածի չհավատանք:

- Դուք չե՞ք բաժանել:

- Դե հիմա դուք պատկերն ավելի լավ տեսնում եք:

- Ի՞նչ ենք տեսնում, որ նա, ով անցել է, նա՞ է բաժանել:

- Չեմ կարող նման բան ասել: Ես կարծում եմ, որ ամեն ինչ շատ նորմալ է եղել: Կամ ես փոքր տարածքի վրա եմ աշխատել: Հարց եք տալիս, որին ինքներդ պատասխանում եք, ինչո՞ւ եք էդ ձեւի հարց տալիս:

- Արդարացվա՞ծ եք համարում այն թիվը, որ ունեք, համարժե՞ք է ձեր աշխատանքի հետ:  

- Ես աշխատելու կամ չաշխատելու համար չեմ ասում, ստացել եմ այնքան, որքան թիվ կա: Ես չեմ կարող ասել՝ շատ եմ ստացել, քիչ եմ ստացել: Ավելի լավ է քիչ խոսեմ...

- Այլ պաշտոնի առաջարկ չե՞ք ստացել, հնարավո՞ր է Կառավարությունում կամ այլ տեղ աշխատեք:

- Ես սուրճի բաժակ նայող չեմ, ենթադրություն չեմ կարող անել: Ես որեւէ մի առաջարկություն չեմ ստացել, ես թիմի անդամ եմ, թիմը կորոշի հետագայի համար: Մենք թիմով ենք աշխատել: