Մշտական հոգնածության բժշկական 5 պատճառ
20:30 , 29 մարտ, 2017Հոգնածության պատճառով ուղղակի մի տեղ գնալու, ոչ ոքի հետ չշփվելու և ոչինչ չանելու ցանկություն առաջանում է բոլոր մարդկանց մոտ։ Սակայն եթե այդ ցանկությունը երկար ժամանակ չի անցնում, ապա պետք է դիմել բժշկի խորհրդատվությանը, քանի որ այդպիսի զգացումը կարող է ավելի լուրջ հիվանդության հետևանք լինել։
BlogNews-ը պատրաստել է հիվանդությունների ցուցակ, որոնց ախտանիշների ցուցակը գլխավորում է հոգնածությունը։ Կարդացեք և առողջ եղեք.
Երկաթի պակաս
Երկաթի սակավության պարագայում նվազում է արյան մեջ հոմոգլոբինի պարունակությունը։ Դրա հետևանքով բջիջները բավարար թթվածին չեն ստանում, ինչն էլ դառնում է անդադար հոգնածության պատճառ։
Այլ ախտանիշներ՝
- տարօրինակ բան ուտելու ցանկություն (ավելի հաճախ դա սառույցն է)
- սառած ոտքեր կամ ձեռքեր
- տհաճություն կրծքավանդակի շրջանում, շնչահեղձություն
- գունատ մաշկ, փխրուն եղունգներ
- հիվանդագին, սպիտակ լեզու
Այս խնդիրը կարելի է հեշտությամբ լուծել դրա զարգացման սկզբնական փուլերում։ Պարզապես պետք է շատ միս, լոբի և երկաթ պարունակող այլ մթերքներ ուտել։
B12 վիտամինի պակաս
Հոգնածությունը B12 վիտամինի պակասի առաջին ախտանշաններից մեկն է։ Այս վիտամինը պարունակվում է կենդանական ծագում ունեցող մթերքների մեջ, այդ իսկ պատճառով բուսակերները ռիսկային խմբի մեջ են գտնվում։
Այլ ախտանիշներ՝
- վատ տրամադրություն, անհանգստություն
- ոչ հստակ տեսողություն, ստվերների անդադար առաջացում
- գունատ կամ դեղին մաշկ, հարթ լեզու
- վերջույթների թմրածություն, ծակոցներ
B12 վիտամինի պակասը կարելի է բնական կերպով ուղղել այն դեպքում, երբ ճաշացանկում մսի պակաս կա։ Մնացած դեպքերում պետք է ընդունել սինթետիկ փոխարինող, որի ճիշտ չափաբաժինը որոշում է բժիշկը։
Վահանագեղձի հետ խնդիրներ
Վահանագեղձի ֆունկցիայի ձախողումը առաջացնում է հոգնածության մշտական զգացում։
Այլ ախտանիշներ՝
- այտուցված դեմք և կոպեր
- ցրտի հանդեպ բարձր զգայունություն
- մկանային և հոդային ցավեր
- խռպոտ ձայն
- չոր մաշկ, մազերի բարակեցում կամ մազաթափություն
Այս խնդիրը լուծվում է սինթետիկ հորմոնների ընդունման միջոցով։
Աղիքների հիվանդություններ
Աղիքների դիսֆունկցիայի դեպքում կտրուկ աճում է դրանցում պարունակվող վնասակար բակտերիաների քանակը։ Մահվան դեպքում այդ օրգանիզմները տոքսիններ են արտանետում, որոնք բացասաբար են ազդում նյարդային համակարգի վրա և հոգնածություն են առաջացնում։
Այլ ախտանիշներ՝
- փորացավեր
- բերանում առկա տհաճ համ
- լեզվի սպտիակ փառ
- սրտխառնոց
Աղիքների բուժումը կախված է դրանց հիվանդության տեսակից և վիճակի ծանրության աստիճանից։
Քրոնիկ ջրազրկում
Քրոնիկական ջրազրկումը անցնում է ավելի աննկատ, քան սուր ջրազրկումը, քանի որ դրա ախտանիշներին շատ հաճախ ուշադրություն չեն դարձնում։ Ջրի մշտական պակասը հանգեցնում է շատ խնդիրների, որոնցից մեկը ջրազրկումն է։
Այլ ախտանիշներ՝
- քաղցր ուտելու անդադար ցանկություն
- անքնություն, մակերեսային քուն
- գլխապտույտ, գլխացավ
- բերանի չորություն, տհաճ հոտ
Ջրազրկումը բացահայտելու համար պետք է երկու մատով բռնել դաստակի արտաքին մասի մաշկը, մոտ կես սանտիմետրով ձգել այն և բաց թողնել։ Սովորաբար մաշկը վերադառնում է իր սովորական դիրքին 1 -2 վայրկյանի ընթացքում։ Եթե այդ գործընթացը ավելի երկար է տևում, ապա Ձեզ մոտ ջրազրկում է։
Եթե անընդհատ հոգնածությունը և մնացած ախտանիշները չեն անցնում մի քանի շաբաթվա ընթացքում, մի սպասեք և անհապաղ դիմեք բժշկի խորհրդատվությանը, քանի որ ցանկացած հիվանդության դեմ պայքարի արդյունավետությունը կախված է բուժումը ճիշտ ժամանակին սկսելուց։