Պահածոների արտադրության 30% աճի արմատները

ԱՎԾ-ի տվյալների համաձայն՝ 2016 թվականին Հայաստանում արտադրվել են շուրջ 14.5 հազար տոննա պահածոներ, այսինքն՝ նախորդ տարվա համեմատ ցուցանիշն աճել է շուրջ 30 տոկոսով:

Ըստ ներկայացված տվյալների՝ արտադրված պահածոներից մոտ 4.2 հազար տոննան կազմել են մրգի պահածոները, 5.8 հազար տոննան՝ բանջարեղենի, շուրջ 1.2 հազար տոննան՝ մսաբուսական, 2.4 հազար տոննան՝ տոմատի պահածոները, մոտ 564 տոննան՝ մսի, 231 տոննան՝ ձկան, 106 տոննան՝ խեցգետնի պահածոները: Նախորդ տարվա համադրելի ժամանակահատվածի համեմատ առավել զգալի աճ գրանցվել է ձկան պահածոների մասով՝ արտադրության ծավալներն աճել են շուրջ 3 անգամ: