ԱՄԷ-ում ստեղծվել է աշխարհում առաջին Երջանկության խորհուրդը

 Արաբական Միացյալ Էմիրություններում հիմնել են աշխարհում Երջանկության առաջին խորհուրդը, որը կներկայացնի Global Happiness Report տարեկան գլոբալ հաշվետվությունը: Այն կներկայացվի ԱՄԷ-ում անցկացվող World Government Summit ամենամյա կառավարական գագաթաժողովում:
 13 անդամներից բաղկացած խորհրդի ձևավորման մասին հայտարարել է ԱՄԷ-ի փոխնախագահ և վարչապետ, Դուբայի կառավարիչ շեյխ Մոհամեդ բեն Ռաշիդ ալ Մաքթումը: Նրա խոսքով՝ «այսօր աշխարհին նոր մոտեցում է հարկավոր մարդկության երջանկությանը հասնելու հարցում»: