ՀՀ տարածքում կան դժվարանցանելի ավտոճանապարհներ, Հրազդանում տեղում է թույլ ձյուն

09:25 , 18 մարտ, 2017
ՀՀ արտակարգ իրավիճակների նախարարությունը տեղեկացնում է, որ մարտի 18-ի ժամը 08:00-ի դրությամբ ՀՀ տարածքում կան դժվարանցանելի ավտոճանապարհներ:

Դժվարանցանելի են Մ-10 ավտոճանապարհի Վարդենյաց լեռնանցքը և Մ-11 ավտոճանապարհի Սոթք-Քարվաճառ հատվածը:

Մ-4 ավտոճանապարհի 17-ից 25-րդ կմ-ին (Չայնիի ոլորաններ) տեղ-տեղ առկա է մերկասառույց:

Կոտայքի մարզի Հրազդան քաղաքում տեղում է  թույլ ձյուն:

Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: