Որևէ ժողովրդի հետ պատրաստ չենք մեր ազգային արժանապատվության պատվին հարաբերություններ կարգավորել. Էդուարդ Շարմազանով

 «Մենք արձանագրում ենք, որ հայ-ռուսական ռազմավարական, դաշնակցային հարաբերությունները դինամիկ զարգանում են բոլոր ուղություններով, կա մեծ ներուժ շարունակելու այդ հարաբերությունները՝ քաղաքական, տնտեսական ոլորտներում: Տարածաշրջանային զարգացումների հետ կապված կա փոխըմբռնում: Դուք տեսաք, որ երկու երկրների ղեկավարները հանդես եկան համատեղ հայտարարությամբ, որտեղ անթույլատրելի էր համարվում խնդրի ռազմակարական լուծումը: Բնականաբար, ևս մեկ անգամ ՌԴ և ՀՀ նախագահների կողմից շեշտվել Վիեննայում և Սանկտ Պետերբուրգում ձեռքբերված պայմանավորվածությունների իրականացումը»,- ասաց Շարմազանովը: