Գլխավոր դատախազը Քննչական կոմիտեին հանձնարարել է «Հաց բերողի» մահվան հանգամանքները պարզելու նպատակով քննություն իրականացնել

18:26 , 16 մարտ, 2017
Tert.am-ը գրում է.
 Գլխավոր դատախազ Արթուր Դավթյանը Քննչական կոմիտեին հանձնարարել է Արթուր Սարգսյանի (հայտնի որպես «Հաց բերող») մահվան հանգամանքները պարզելու նպատակով քննություն իրականացնել: Այս մասին Tert.am-ին հայտնեցին ՀՀ գլխավոր դատախազության հասարակայնության հետ կապերի վարչությունից:

Հիշեցնենք, որ Արթուր Սարգսյանը մահացել է այսօր՝ «Արմենիա» բժշկական կենտրոնում։  Tert.am-ի հետ զրույցում «Արմենիա» ԲԿ-ի փոխտնօրեն Արսեն Գրիգորյանն ասել էր, որ Արթուր Սարգսյանը մարտի 15-ին դիմել է «Արմենիա» բժշկական կենտրոն պորտային օղակված ճողվածքի բարդությամբ, ենթարկվել է վիրահատության։

«Արթուր Սարգսյանը մի քանի օր առաջ ինքնակամ լքել էր հիվանդանոցը, իսկ երեկ հիվանդանոց էր դիմել պորտային օղակված ճողվածքի բարդությամբ, բարդացած աղիքային անանցանելիությամբ, վիրահատության ենթարկվելու համար: Վիրահատության ենթարկվել է գիշերը, մոտ մեկ ժամ առաջ գրանցվել է մահը»,- ասել էր Գրիգորյանը:
Ամբողջական հոդվածը կարող եք կարդալ այստեղ։