Ադրբեջանի «սև ցուցակում» հայտնված եվրոպացի օրենսդիրը Բաքվին՝ «Դուք հաջողության չեք հասնի»

Tert.am-ը գրում է.

Եվրախորհրդարանի անդամ և կառույցում Արցախի խմբի նախագահ Ֆրանկ Էնգելը նամակ է հղել ադրբեջանցի խորհրդարանականներին՝ հերքելով իր և իր գործընկեր խորհրդարանականների Արցախի Հանրապետություն այցի անօրինականության համար մեղադրանքները, հայտնում է asbarez.com-ը:

Ադրբեջանի իշխանությունները փետրվարի 23-ին ձերբակալման օրդերներ էին տրամադրել Եվրոպական խորհրդարանի անդամներ Էնգելի, Էլենի Տեոխարուսի և Յարոմիր Շտետինայի համար, որոնք Արցախ էին այցելել փետրվարի 20-ին՝ սահմանադրական հանրաքվեի ընթացքը վերահսկելու համար:

Նրանք մեղադրվում են Արցախ այցելելու, ինչպես նաև հանրաքվեի համար դիտորդություն անելու համար:

«Սա Բաքվի քաղաքականության մասն է, որը սկսվել է մոտ մեկ ամիս առաջ, երբ ռուս-իսրայելցի բլոգեր Ալեքսանդր Լապշինը ձերբակալվեց Մինսկում, սա Ադրբեջանի ահաբեկման քաղաքականության մասն է»,- ասել է Շտետինան Բաքվի կողմից ձերբակալման օրդերների տրամադրումից հետո:

Ամբողջական հոդվածը կարող եք կարդալ այստեղ