Ալվեսը Բարսայի մասին. Լավագույնների հետ պետք է հանդիպել եզրափակչում

Armsport.am-ը գրում է.

Թուրինի «Յուվենտուսի» պաշտպան Դանի Ալվեսը Չեմպիոնների լիգայի 1/8 եզրափակչի պատասխան խաղում «Պորտուի» նկատմամբ տոնած հաղթանակից հետո (1:0) հայտնել է, որ չէր ցանկանա հաջորդ փուլում մրցել իր նախկին թիմի՝ «Բարսելոնայի» հետ:

Առաջին խաղում «Յուվենտուսը» արտագնա խաղում 2:0 հաշվով հաղթել էր «Պորտուին».

«Չէի ցանկանա քառորդ եզրափակչում մրցել «Բարսելոնայի» հետ: Լավագույնների հետ պետք է խաղալ եզրափակչում»,- ասել է Ալվեսը «beINSPORTS»-ի եթերում:

«Բարսելոնան» 1/8 եզրափակչում հաղթահարեց ՊՍԺ-ի արգելքը (0:4, 6:1):