Էրդողանի մասին բանաստեղծության հեղինակը բողոքարկել է իր ստեղծագործությունից մեջբերումներ անելու արգելանքի որոշումը

 Գերմանացի կատակերգակ և հեռուստահաղորդավար Յան Բեմերմանը բողոքարկել է Թուրքիայի նախագահ Ռեջեփ Էրդողանի մասին իր բանաստեղծությունից որոշակի հատվածներ մեջբերելու արգելանքի վերաբերյալ դատարանի որոշումը՝ տեղեկացնում է Spiegel-ը:

«Դուք չեք կարող գեղարվեստական ստեղծագործությունը առանձին հատվածների բաժանել»,- հայտարարել է նրա փաստաբան Քրիստիան Շերցը:

Նրա խոսքով՝ Բեմերմանը «չի ընդունի դատարանի որոշմանը հետևած իր հիմնական իրավունքների սահմանափակումները»:
 Հիշեցնենք, որ 2016թ. հոկտեմբերին հայտարարվեց, որ Գերմանիայում դադարեցվել է Բեմերմանի նկատմամբ հետաքննությունը: