Թուրքիայում արտակարգ դրությունը երկարաձգվել է

 Թուրքիայում արտակարգ դրությունը երկարաձգվել է երեք ամսով: Ինչպես հաղորդում է Turkish Minute-ը, այս մասին հայտարարել է Թուրքիայի վարչապետ Բինալի Յըլդըրըմը:
 Պարբերականը հիշեցնում է, որ երկրում արտակարգ դրություն է հաստատվել 2016թ. հուլիսի 20-ին այն բանից հետո, երբ Թուրքիայում հուլիսի 15-ին հեղաշրջման անհաջող փորձ տեղի ունեցավ:
 Արտակարգ դրության շրջանակներում կառավարությունը մի շարք վիճելի նախաձեռնություններ է սահմանել, որոնք օրենքի ուժ ունեն: Այդ հրամանագրերի հիման վրա ավելի քան 135 հազար մարդ է հեռացվել աշխատանքից պետական մարմիններում: