Թևան Պողոսյանը քարոզարշավում նոր մեթոդներ դեռ չի տեսնում

Azatutyun.am-ը գրում է.

Որպես ընտրողի, ընտրապայքարում կուսակցությունների, դաշինքների ներկայացումը Ազգային ժողովի պատգամավոր Թևան Պողոսյանին դեռ չի բավարարում։ Ըստ ԱԺ պատգամավորի, քարոզարշավին դեռևս 2012 թվականի մեթոդոլոգիաներն են կիրառվում։ Նոր մոտեցումներ Պողոսյանն առայժմ շատ չի տեսնում։

«Եթե միշտ մնա միայն ու միայն ուղղակի ինչ-որ փոքրիկ խոստումների վրա, և ոչ ծրագրերի մշակման, ներկայացման, որովհետև, օրինակ, այն, ինչ այսօր էի տեսնում, մի տեսակ ոնց որ թե նորությունների պակաս լիներ։ Ես հասկանում եմ, որ սոցիալական կայքերը շատ լավ տեղեկատվական, այսպես ասենք, ժամանակի կրճատում են բերել», - երեկ «Ազատության» հետ զրույցում ասաց Պողոսյանը՝ շարունակելով. - «Ինձ, որպես ընտրողի, նայում եմ` 2012 թվականի բոլոր մեթոդոլոգիաներն են կիրառվում, նոր մոտեցումներ առայժմ շատ դեռ չեմ տեսնում»։

Համակարգված մոտեցում ԱԺ պատգամավորը դեռևս միայն «Ելք» դաշինքի մոտ է նկատում։ «Երբ որ մարդիկ ներկայացրեցին, որ կբաժանենք ամեն մեկս ինչ-որ տարածքների, մի ժամանակ կլինենք առանձին-առանձին, հետո միասնական կգանք, քարոզը կտանենք, փորձում են միասին ծրագրային այդ կետերն անեն՝ փողոցում մարդկանց հետ բաց քննարկման են դնում և դա դնում են միանգամից օնլայն կամ live ձայնագրմանը, ներկայացմանը, որտեղ մարդիկ կարող են տեսնել այդ դիսկուրսները, հետևել։ Մնացածի մոտ ավելի շատ, ինձ թվում է, հին բաներն են կրկնվում, ասենք՝ մեկ մեծ մեքենայով գնալ գյուղի մեջտեղը կանգնել, ընդհանուր խոսել։ Իսկ միգուցե այլևս այդ մեխանիզմը չի՞ աշխատում, որովհետև մենք գիտենք, թե ինչպես են շատ գյուղապետերը ստիպված լինելու ապահովելու իշխանությունների կողմից երևույթներ, և միշտ էլ մարդիկ այդտեղ չեն գտնվելու։ Ոչ թե ես սպասեմ, որ իշխանությունները ճնշումներ գործադրեն, այլ ես այնքան խելոք գտնվեմ՝ նոր մոտեցում ձևավորեմ, որ իշխանությունների բոլոր ճնշումները չաշխատեն», - ասաց ԱԺ պատգամավորը։

Ամբողջական հոդվածը կարող եք կարդալ այստեղ