Ռաուլ Կաստրոն քննադատել է Թրամփի՝ Մեքսիկայի հետ սահմանին պատ կառուցելու որոշումը

Tert.am-ը գրում է.

Կուբայի ղեկավար Ռաուլ Կաստրոն կոշտ քննադատել է Միացյալ Նահանգների նախագահ Դոնալդ Թրամփի՝ ներգաղթին, առևտրին և արտաքին հարաբերություններին վերաբերող քաղաքականությունը:

Ինչպես նշում է Reuters–ը, խոսելով հարևան Մեքսիկայի հետ սահմանին կառուցվելիք վիճահարույց պատի մասին՝ Կուբայի նախագահը նկատել է, որ դա «ոչ ռացիոնալ» և «եսասիրական» որոշում է:

Հեռուստատեսային ելույթի ժամանակ Կաստրոն հայտարարել է, որ այդ պատն ուղղված է ոչ միայն մեքսիկացիների, այլ, ընդհանրապես, բոլոր լատինամերիկացիների դեմ:

«Դուք չեք կարող զսպել աղքատությունը, աղետներն ու ներգաղթը պատերի օգնությամբ: Փոխարենը պետք է համագործակցել, իրար հասկանալ ու խաղաղության ձգտել»,-ասել է Կաստրոն:

Ամբողջական հոդվածը կարող եք կարդալ այստեղ