Հորդանանում 10 հանցագործներ կախաղան են բարձրացվել

Հորդանանում կախաղանի միջոցով մահապատժի են ենթարկվել ահաբեկչության մեջ մեղադրվող 10 անձինք: RIA Novosti-ի փոխանցմամբ՝ այս մասին հաղորդել է Հորդանանի տեղեկատվության նախարար Մոհամեդ ալ-Մոմանին:

Մահապատժի ենթարկված անձինք մեղադրվում էին 2016թ-ին ընթացքում Հորդանանի թագավորության տարածքում մի շարք ահաբեկչությունների կազմակերպման համար, այդ թվում` փախստականների ալ-Բաքաա բնակավայրում հատուկ ծառայությունների գրասենյակի պայթեցման և քրիստոնյա գրող Նահիդ Հաթարի սպանության համար: Հորդանանցի նախարարը տեղեկացրել է, որ նրանցից 5-ը մեղադրվում էին նաև սեռական բռնության և ինցեստի համար: