Barometer.am-ը գրում է.
Մադրիդի "Աթլետիկոյի" իսպանացի հարձակվող Ֆերնանդո Տորեսը, որը գլխի վնասվածք էր ստացել "Դեպորտիվոյի" հետ խաղի վերջնամասում, դուրս է գրվել հիվանդանոցից:
"Շնորհակալ եմ բոլորին աջակցության համար: Անհամբերությամբ սպասում եմ, թե երբ կկարողանամ նորից մարզվել",- Տորեսի խոսքը մեջբերում է "Աթլետիկոյի" պաշտոնական կայքը:
32-ամյա ֆուտբոլիստը մրցակցի հետ բախումից հետո ընկնելիս գլխով հարվածել էր խոտածածկին և կորցրել գիտակցությունը, ինչից հետո նրան պատգարակի օգնությամբ դուրս էին բերել խաղադաշտից: