Կարո Փայլանի կուսակցությունը դատի է տվել երկրի ՆԳ նախարարին
17:54 , 27 փետրվար, 2017
Yerkir.am-ը գրում է. Թուրքիայում քրդամետ Ժողովուրդների դեմոկրատական կուսակցությունը դատի է տվել երկրի ՆԳ նախարար Սուլեյման Սոյլուին:
Ըստ Demokarthaber-ի՝ Սոյլուին դատի տալու պատճառ է հանդիսացել ԺԴԿ համանախագահ Սելահաթթին Դեմիրթաշի վերաբերյալ նրա վիրավորական հայտարարությունը: Կուսակցությունը դիմել է դատարան՝ նրան մեղադրելով Դեմիրթաշին վիրավորելու և ժողովրդի մեջ նրա նկատմամբ ոխ և ատելություն սերմանելու համար:
Հիշեցնենք, որ կուսակցության ամանախագահներ Սելահաթթին Դմեիրթաշը, Ֆիգեն Յուքսեքդաղն ու ԺԴԿ մի շարք պատգամավորներ մինչ օրս գտնվում են կալանքի տակ՝ մեղադրվելով ահաբեկչական կառույցների քարոզչություն անելու մեջ: