Վերին Լարսը «փոխարինողների նստարանի՞ն»
11:37 , 27 փետրվար, 2017
Հայաստանի տնտեսության կարևորագույն գործընթացներից մեկը արտահանումն է: Ոչ մեկի համար գաղտնիք չէ, որ Հայաստանից արտահանվող ապրանքների մեծ մասը բաժին է ընկնում ռուսական շուկային, ինչը նշանակում է, որ Լարսի անցակետի հաճախակի անանցանելիությունը վատ եղանակի պատճառով բավականին լուրջ վնաս է հասցնում ՀՀ տնտեսությանը:
Այս իրավիճակում գործադիր մարմնի ղեկավարը հանձնարարականներ էր տվել այլընտրանքային ուղի գտնելու մասով: Այս դեպքում խոսքը գնում է Հարավային Օսիայի կամ Աբխազիայի տարածքով դեպի Ռուսաստան տանող ճանապարհները բացելու մասին, որը դեռևս 2011 թվականին քննարկումների փուլում էր: Հուսանք, որ բանակցությունները կլինեն արդյունավետ, և այլընտրանքային ճանապարհի մասին խոսակցությունները կտեղափոխվեն գործնական փուլ: