Ջոն Մակքեյնը գաղտնի Սիրիա է այցելել. WSJ
11:35 , 23 փետրվար, 2017
168.am-ը գրում է.
Սենատոր Ջոն Մակքեյնը այցելել է Սիրիայի Քոբանի քաղաք, որտեղ հանդիպել է ամերիկացի զինվորականների և քրդերի ներկայացուցիչների հետ, հայտնում է The Wall Street Journal-ը՝ վկայակոչելով իր աղբյուրներին։
Ինչպես հայտնում է պարբերականը, հանդիպմանը քննարկվել են ԴԱԻՇ-ի դեմ պայքարին վերաբերող հարցեր, մասնավորապես, ծայրահեղական իսլամիստներից Ռաքքան ազատելու եղանակները։
Պարբերականը նաև նշել է, որ Մակքեյնը ԱՄՆ իշխանությունների առաջին ներկայացուցիչն է, որը գնացել է քրդերի վերահսկողության տակ գտնվող տարածքներ։
Մինչ այդ հանդիպումը սենատորը այցելել էր Սաուդյան Արաբիա։