ԴԱԻՇ-ի գրոհայիններն արգելել են կարմիր գույնի հագուստը

ԴԱԻՇ ահաբեկչական խմբավորման ղեկավարությունը հրահանգ է տրածել, ըստ որի արգելվում է կարմիր գույնի հագուստ կրել Իրաքի Մոսուլ քաղաքի արևմտյան մասում: Ինչպես հաղորդում է «Ալ-Սումարիա» հեռուստաալիքը, հրամանը, որն անակնկալի է բերել քաղաքի բնակիչներին, վերաբերում է անգամ նորածիններին:

«Կարմիր գույնի հագուստ կրելու արգելքը վկայում է այն մասին, որ ահաբեկիչները մտավախություններ ունեն՝ կապված Սուրբ Վալենտինի օրվա հետ: Նրանք կարծում են, որ այդ տոնը նշելն անձնական մարտահրավեր է իրենց համար»,-ասել է հեռուստաալիքի զրուցակիցը: