Արմեն Մարտիրոսյանը բացառում է, որ այս անգամ «Ժառանգությունում» ընդհանուր հայտարարի չգան

Aysor.am-ը գրում է.

«Ժառանգություն» կուսակցությունում այսօր վարչության նիստ է հրավիրված։

«Ընտրությունների հետ կապված հարցեր ենք քննարկելու», - Aysor.am-ի հետ զրույցում ասաց «Ժառանգություն» կուսակցության փոխնախագահ Արմեն Մարտիրոսյանը։

Նա ասաց, թե վարչության նիստին մասնակցելու է նաև Րաֆֆի Հովհաննիսյանը՝ միաժամանակ նշելով, թե բացառվում է, որ այս անգամ ընդհանուր հայտարարի չգան։

«Դե քվեարկություն կլինի, մի որոշում կընդունվի», - ասաց Արմեն Մարտիրոսյանը։

Հիշեցնենք, որ հունվարի 19-ին ևս «Ժառանգությունը» վարչության նիստ էր հրավիրել, սակայն այն հետաձգվել էր՝ ընտրություններին մասնակցելու ձևաչափի վերաբերյալ միասնական որոշում չունենալու պատճառով։