Մեքսիկան 47.5 մլն դոլար կծախսի ԱՄՆ–ում իր քաղաքացիներին պաշտպանելու համար

Aysor.am-ը գրում է.

Մեքսիկայի նախագահ Էնրիկե Նյետոն 47,5 մլն դոլար է հատկացրել ԱՄՆ–ում իր երկրի քաղաքացիների պաշտպանությանը, հայտնում է РИА Новости-ն` հղում անելով  սենատի նախագահ Պաբլո Էսկուդերոյին։

«Նախագահը հրամայել է ֆինանսների նախարարին 1 մլրդ պեսո տրամադրել հյուպատոսական օգնության, մեր միգրանտների պաշտպանության համար և ասել է, որ եթե կարիք լինի, կտրամադրվեն ավելի շատ միջոցներ», – ասել է Էսկուդերոն։

Ավելի վաղ ԱՄՆ նախագահ Դոնալդ Թրամփը հայտնել էր, որ մեքսիկական ապրանքների ներմուծման հարկ կարող է սահմանել, որպեսզի ծածկի Մեքսիկայի հետ սահմանին պատի կառուցման ծախսերը։