Եվրոպայի խորհրդի գլխավոր քարտուղարը հունվարի վերջին Վրաստան կայցելի

 Եվրոպայի խորհրդի գլխավոր քարտուղար Թորբյորն Յագլանդը հունվարի 30-31-ին Վրաստան կայցելի: Այս մասին հայտնում է RIA Novosti-ն՝ հղում անելով Վրաստանի ԱԳՆ մամլո ծառայությանը:
 «Այցի շրջանակներում նախատեսվում են գլխավոր քարտուղարի պաշտոնական հանդիպումներ Վրաստանի օրենսդիր և գործադիր իշխանությունների ներկայացուցիչների հետ»,- ասվում է հաղորդագրության մեջ:
 Նշվում է, որ Յագլանդը կհանդիպի Վրաստանի նախագահի, վարչապետի, խորհրդարանի խոսնակի, ԱԳՆ ղեկավարի, արդարադատության նախարարի և քաղաքացիական իրավահավասարության և հաշտեցման հարցերով պետնախարարի հետ: