XX դարի 10 ամենաթանկարժեք նկարները
23:15 , 24 հունվար, 2017Մեզնից ամեն մեկը չի կարող գնահատել և հասկանալ այս նկարների գաղտնի իմաստը: Սակայն այս նկարների գինը հասնում է առասպելական թվերի, իսկ կոլեկցիոներները աշխարհի տարբեր ծայրերից գնում են աճուրդների, որպեսզի ձեռք բերեն իրենց նախընտրած կտավը:
BlogNews-ը ձեզ է ներկայացնում արվեստի 10 գործեր, որոնք վաճառվել են տասնյակ միլիոն դոլարներով:
«Գազարագույն, կարմիր, դեղին»
Մարկ Ռոտկո, 1961թ.
արժեք՝ $ 86.882 մլն
Հեղինակը խորհուրդ էր տալիս այս նկարին նայել 45 սմ հեռավորությունից, որպեսզի դիտողը «ընկղմվի» գույների մեջ: Նկարիչը պնդում էր. «Դիտողը պետք է լաց լինի, նկարին նայելիս», և նման դեպքեր իրոք գրանցվել են: Ռոտկոյի թեորիայի համաձայն՝ մարդիկ այդ պահին զգում են այն հոգեվիճակը, որում գտնվում էր ինքը նկարը նկարելիս:
«Համար 5»
Ջեքսոն Պոլլոկ, 1948թ.
արժեք՝ $ 140 մլն
Պոլլոկի գործերի արժեքավորությունը ստացված արդյունքը չէ, այլ դրանց ստեղծման ընթացքը: Պատահական չէ, որ նկարիչն իր գործերն անվանում էր «գործողության/ընթացքի գեղանկարչություն»: Նրա թեթև ձեռքով այն դարձավ ԱՄՆ-ի գլխավոր սեփականությունը/գանձը: Ջեքսոն Պոլլոկը ներկը խառնում էր ավազի, ջարդած ապակու հետ, իսկ նկարում էր ստվարաթղթի կտորի, դանակի կամ գոգաթիակի միջոցով:
«False start»
Ջասպեր Ջոնս, 1959թ.
արժեք՝ $ 80 մլն
Ջոնսն աշխատում էր իրական առարկաների միջոցով՝ պատկերելով դրանք կտավների վրա: Նա օգտագործում էր հասարակ իրեր՝ գարեջրի շիշ, դրոշ կամ էլ քարտեզ: Նկարիչը կարծես խաղում է դիտողի հետ՝ հաճախ գույների վրա մեկ այլ գույնի անվանում գրելով:
«Սուպերմատիստական կոմպոզիցիա»
Կազիմիր Մալևիչ, 1916թ.
արժեք՝ $ 60 մլն
Այս նկարը շուրջ 50 տարի պահվել է Ամստերդամի քաղաքային պատկերասրահում, սակայն Մալևիչի հարազատների հետ 17-ամյա վիճաբանություններից հետո տվեց այն: Նկարին հարկավոր է նայել վերևից․ այն արտացոլում է երկնքից ներքև նայելիս առաջացող տեսարանը:
«Քնած աղջիկ»
Ռոյ Լիխտենշտեյն, 1964թ.
արժեք՝ $ 44.882 մլն
Ռոյ Լիխտենշտեյնը հայտնի դարձավ կոմիքսների հիման վրա նկարված նկարների շնորհիվ, երբ մոտ 40 տարեկան էր: Լիխտենշտեյնի գլխավոր նպատակն էր ստանալ այնպիսի պատկերներ, որոնք տպված նկարների տեսք ունեն և ոչ մարդու կողմից նկարվածների: Այստեղից էլ գալիս է նրա նկարների յուրահատկությունը. մի քանի տպագրական գույների օգտագործում, սև գծեր և կետիկներ:
«Գեղանկարչություն»
Խուան Միրո, 1927թ.
արժեք՝ $ 36.824 մլն
Նկարի այլ անվանումն է «Երկնագույն աստղ»: Նկարիչն այն նկարել է այն նույն տարում, երբ հայտարարեց. «Ես ուզում եմ սպանել գեղանկարչությունը»: Նա անխնա ծաղրի և ծանակի էր ենթարկում գեղանկարչությունը՝ նկարներից ներկը մեխերով քերելով, կտավին փետուրներ կպցնելով և աշխատանքներն աղբով պատելով:
«1949-A-No.1»
Քլիֆֆորդ Սթիլլ, 1949թ.
արժեք՝ $ 61.7 մլն
Իր բոլոր աշխատանքերը Սթիլլը կտակել էր մի ամերիկյան քաղաքի, որտեղ բացվելու է իր անունը կրող թանգարան: Այդ քաղաքը դարձավ Դենվերը, սակայն շինարարությունը պետության վրա շատ թանկ էր նստում, և շինարարությունն ավարտին հասցնելու համար Սթիլլի նկարների 4-ը աճուրդի հանվեցին:
«Հաղթանակ. Բուգի-Վուգի»
Փիթ Մոնդրիան, 1944թ.
արժեք՝ $ 40 մլն
XX դարի ամենաերաժշտական նկարիչը ապրուստի գումար էր վաստակում ակվարելային նատյուրմորտներ նկարելով: Ֆիրմային կոկիկ քառակուսիները ստացվում էին կպչուն ժապավենի՝ Մոնդրիանի ամենասիրելի գործիքի օգտագործմամբ:
«Աննայի լույսը»
Բարնետ Նյուման, 1968թ.
արժեք՝ $ 105.7 մլն
Նյումանն այս «Աննայի լույսը» կտավը նկարել է 1965թ.-ին մահացած մոր պատվին: Այն համարվում է նկարչի ամենամեծ նկարը: Չափսերն իրոք տպավորիչ են՝ 610.5x275:
