Artsakhpress.am-ը գրում է.
Թուրքիայի քրդամետ Ժողովուրդների դեմոկրատական կուսակցության Բաթմանից ընտրված պատգամավոր Այշե Աջար Բաշարանը ձերբակալվել է:
Այս մասին տեղեկացնում է թուրքական «Անադոլու» գործակալությունը:
Բաշարանը ձերբակալվել է, քանի որ հրաժարվել է ներկայանալ Բաթմանի հանրապետական դատախազություն՝ ցուցմունք տալու: Նրա դեմ հետաքննություն է իրականացվում «ահաբեկչական խմբավորման օգնելու» հիմնավորմամբ:
Ժողովուրդների դեմոկրատական կուսակցության անդամ 59 պատգամավորից 12-ը կալանավորված են: Նրանց շարքում են կուսակցության համանախագահներ Սելահաթթին Դեմիրթաշը և Ֆիգեն Յուքսեքդաղը, ինչպես նաև խորհրդարանական խմբակցության երկու ղեկավարները: Նրանք ևս մեղադրվում են «զինված ահաբեկչական խմբավորման անդամ լինելու, հանցագործություն կատարելուն դրդելու և ահաբեկչական խմբավորման քարոզչությունն իրականացնելու» մեջ: