ՖԻՖԱ-ի միջոցառմանը գողացել են մրցանակային ժամացույցները

22:18 , 11 հունվար, 2017
Aysor.am-ը գրում է.
 Ֆուտբոլի միջազգային ֆեդերացիան դիմել է Շվեյցարիայի ոստիկանությանը՝  Ցյուրիխում մրցանակների հանձման արարողության ժամանակ վեց թանկարժեք ժամացույցների անհետացման կապակցությամբ, հայտնում է  «Чемпионат»-ը` հղում անելով Clarin-ին:
 Անհայտ հանցագործները գողացել են 98 հազար եվրո արժողությամբ Hublot  տեսակի 6 ժամացույց, որոնք պետք է հանձնվեին տարվա լավագույն խաղացողներին, մարզիչներին և մյուս մրցանակակիրներին:
 Հիշեցնենք, որ Ցյուրիխում կայացած շնորհանդեսի ժամանակ անցած տարվա լավագույն ֆուտբոլիստ է հռչակվել Պորտուգալիայի հավաքականի և Մադրիդի «Ռեալի» հարձակվող Քրիշտիանու Ռոնալդուն: