Պաշտոնանկություններ՝ վարչապետի որոշումներով

Barometer.am-ը գրում է.

ՀՀ վարչապետ Կարեն Կարապետյանը որոշում է ստորագրել Իոսիֆ Իսայանին Հայաստանի Հանրապետության էներգետիկ ենթակառուցվածքների և բնական պաշարների նախարարի տեղակալի պաշտոնից ազատելու մասին:
Այս մասին վարչապետի որոշումը տեղադրված է կառավարության e-gov.amկայում:

Որոշման մեջ ասվում է.

"Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝
Իոսիֆ Իսայանին ազատել Հայաստանի Հանրապետության էներգետիկ ենթակառուցվածքների և բնական պաշարների նախարարի տեղակալի պաշտոնից"։

Վարչապետի մեկ այլ որոշմամբ Արեգ Գալստյանը ազատվել է Հայաստանի Հանրապետության էներգետիկ ենթակառուցվածքների և բնական պաշարների նախարարի տեղակալի պաշտոնից:

"Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝
Արեգ Գալստյանին ազատել Հայաստանի Հանրապետության էներգետիկ ենթակառուցվածքների և բնական պաշարների նախարարի տեղակալի պաշտոնից",- ասվում է որոշման մեջ։