Սելիմի լեռնանցքը և Բերդ-Ճամբարակ ճանապարհահատվածը փակ են

Մարտի 7-ին՝ ժամը 10.00-ի դրությամբ, սաստիկ բքի և անբավարար տեսանելիության պատճառով փակ են Սելիմի լեռնանցքը, Տավուշի մարզի Բերդ-Ճամբարակ ճանապարհահատվածը:

Հայաստանի Հանրապետությունում հիմնականում պարզ եղանակ է, միայն Գորիսում ձյուն է տեղում: Ավտոճանապարհներին տեղ-տեղ մերկասառույց է: 
Անվտանգ երթևեկությունն ապահովելու նպատակով ավտոճանապարհներին իրականացվում են մաքրման, աղով և ավազով մշակման աշխատանքներ:

Միջպետական, հանրապետական նշանակության մյուս ավտոճանապարհներն ու լեռնանցքները բաց են:

ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: