Դաղստանում ձերբակալվել է Մոսկվայում ահաբեկչություններ նախապատրաստող ԴԱԻՇ-ի 7 աջակից
21:00 , 29 դեկտեմբեր, 2016
Դաղստանում ձերբակալվել է ԴԱԻՇ ակաբեկչական կազմակերպության յոթ աջակից։ Քննության տվյալներով՝ նրանք ծրագրել էին ահաբեկչություններ իրականացնել Մոսկվայում։ Այս մասին հաղորդում է RIA Novosti-ն՝ վկայակոչելով ՌԴ Հետախուզության դաշնային բյուրոյի հաղորդագրությունը։
Հատուկ ծառայությունների տվյալներով՝ գրոհայինները հարձակումներ էին նախապատրաստում ԴԱԻՇ-ի անդամի անմիջական հրահանգով, որը գտնվում է Սիրիայում։
Խուզարկության ժամանակ առգրավվել է մեծ քանակությամբ հրազենային զենք, նռնակ, զինամթերք։ Տեղեկատվության համաձայն՝ ԴԱԻՇ-ի ձերբակալված աջակիցներն ահաբեկչությունները պատրաստվում էին իրականացնել ամանորյա տոների ժամանակ: