Հայաստանում գործելու է էլեկտրոնային միասնական տոմսային համակարգ

17:36 , 26 դեկտեմբեր, 2016
Lurer.com-ը գրում է.
 Հայաստանի Հանրապետության մշակույթի նախարարության նախաձեռնությամբ` հաջորդ տարվանից Հայաստանում էլեկտրոնային միասնական տոմսային համակարգ կգործի: Այս մասին լրագրողների հետ հանդիպմանը հայտնեց ՀՀ մշակույթի Արմեն Ամիրյանը: «Թատերահամերգային սրահների տոմսաշրջանառությունը տարեկան կազմում է մեկ միլիարդ դրամ: Տոմսերի վաճառքի գործընթացը լինելու է բաց և թափանցիկ: Այն վերահսկելու է պետական եկամուտների տեսչությունը: Հնարավոր կլինի առցանց դիտել, թե օրվա որ ժամին, որ տոմսարկղում ինչ տոմս է վաճառվել»,-նշեց նախարարը:
 Նախարարը կարծում է, որ այդ համակարգը հնարավորություն կտա բացառել ստվերային տոմսաշրջանառության մասին զրույցները, ինչպես նաև պարզ կդառնա, թե որ ներկայացումներն ու ցուցադրություններն են պահանջված: