Փակ է Վայք-Սիսիան ճանապարհահատվածը

Հայաստանի Հանրապետության տրանսպորտի և կապի նախարարությունը տեղեկացնում է, որ մարտի 4-ին՝ ժամը 10.00-ի դրությամբ, սաստիկ բքի և վատ տեսանելիության պատճառով փակ է Վայք-Սիսիան ճանապարհահատվածը: Դժվարանցանելի է Ապարան-Քուչակ ճանապարհը:

Անվտանգ երթևեկությունն ապահովելու նպատակով ավտոճանապարհներին իրականացվում են մաքրման, աղով և ավազով մշակման աշխատանքներ:

Միջպետական, հանրապետական նշանակության բոլոր ավտոճանապարհներն ու լեռնանցքները բաց են:

ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: