5 մատչելի նվերներ որ ամանորը կդարձնեն անմոռանալի
14:48 , 12 դեկտեմբեր, 2016
Armsagir.am-ը գրում է.
Ամանորն արագորեն մոտենում է, բայց առօրյա անցուդարձով տարված մենք հաճախ մոռանում ենք մեր սիրելիների համար նվերներ գնել։ Նվեր ընտրելիս բոլորս ուզում ենք հիացնելնրանց, բայց թողնում ենք այդ «գործը» վերջին օրերին։ Մենք առաջարկում ենք 5 մատչելի տոնական նվերների գաղափարներ, որոնք կարող եք իրականացնել հենց այսօր
- Երևանում ունենք տպագրական սրահներ, որտեղ տպագրում են ձեր ցանկացած նկարը կամ տեքստը բաժակի կամ հագուստի վրա։ Ինչու չտանելայնտեղ, օրինակ, ձեր՝ միասին նկարված, նկարներից ամենասիրելին։ Տեսնելով այս նկարը բաժակի կամ հագուստի վրա, ձեր սիրելիները չեն կարող չլցվել ուրախ տրամադրությամբ։
- Գնեք տոնական սփռոցներ։ Նույնիսկ եթե ողջ սպասքը լինի նույնը ինչ անցյալ տարի էր, վառ գույներով ամանորյա սփռոցը նոր փայլ կտա ձեր տոնին։ Եթե այս ուղղությամբ ուզեք ևս մեկ քայլ անել և գերազանցել բոլոր սպասելիքները, ապա ձեռք բերեք պատին հեշտ ամրացվող ամանորյա պաստառներ։ Երեխաները հրճվանքի մեջ կլինեն
- Գնեք տոնական գործվածքով սվիտերներ։ Ավելի ջերմացնող կլինի որ նույն սվիտերից գնեք ընտանիքի բոլոր անդամների համար, իհարկե, համապատասխան չափսերով, եթե գտնեք։ Պատկերացրեք ձեր ընկերների կամ բարեկամների զարմանքը, երբ այցելեք նրանց և վրա հասնիվերարկուները հանելու պահը։
- Գնեք ու զարդարեք տոնածառ։
Այս մեկը գուցե ակնհայտ թվա, բայց շատերը տոնածառ չեն տեղադրում տանը պատճառաբանելով թե փոքր երեխաներ չունեն։ Նույնիսկ եթե ձեր երեխաներն արդեն մեծահասակ են կամ եթե դեռ չեք հասցրել ունենալ ձերը, միևնույն է արժե տեղադրել տոնածառ՝ թեկուզ փոքրիկը։ Այդ փոքր տոնական ծառը կունենա մեծ դրական ազդեցություն ձեր տոնական տրամադրության վրա։
Մենք վաղուց մոռացել ենք այն հաճելի զգացումը, որ ունենում ես տոնական բացիկ ստանալիս։ Այս կայքի միջոցով այդ հաճելի զգացումը կարելի է պարգևել մկնիկի մի քանի հարվածով: Ընտրեք ցուցադրված բացիկներից որևէ մեկը, լրացրեք անհրաժեշտ տվյալները ու վճարեք Ձեր կրեդիտ քարտով։ Բացիկը կառաքվի հասցեատիրոջը և նրա դեմքը կփայլի ժպիտով: