Թուրքիան նոր ավիահարվածներ է հասցրել Սիրիայում և Իրաքում
14:08 , 12 դեկտեմբեր, 2016.jpg)
Թուրքիայի զինված ուժերը «Եփրատի վահան» գործողության շրջանակում նոր հարվածներ են հասցրել Սիրիայի հյուսիսում։ Այս մասին տեղեկացնում է Anadolu գործակալությունը։
Թուրքական կողմի տվյալներով` ոչնչացվել են ԴԱԻՇ ահաբեկչական խմբավորմանը պատկանող 138 թիրախ:
Միևնույն ժամանակ Թուրքիայի ավիացիան հարվածել է Իրաքի հյուսիսում տեղակայված Քրդական աշխատավորական կուսակցության դիրքերին՝ ի պատասխան Ստամբուլի ահաբեկչությունների։ Ինչպես նշվում է Թուրքիայի Գլխավոր շտաբի հաղորդագրության մեջ, ռմբակոծությունների ընթացքում ոչնչացվել է շտաբային ենթակառուցվածքը, ինչպես նաև կրակակետեր և թաքստոցներ։